ქართული ოცნებას მხოლოდ ამომრჩევლის მიერ გამოტანილი პოლიტიკური განაჩენი გამოაფხიზლებს, - აცხადებს „მოძრაობა თავისუფლებისთვის - ევროპული საქართველოს“ ლიდერი გიგა ბოკერია
მისი თქმით, ქართული ოცნების მოსმენის შემდეგ, კიდე ერთხელ გაახსენდა ყველას, თუ როგორ მძიმე სიტუაციაშია ქვეყანა, რომ ეს გუნდი შეარჩია ივანიშვილმა და მთავრობის კონტროლი ჩააბარა.
„მე-5 წელია ერთი და იგივე ტექსტი გვესმის ამ ტრიბუნებიდან: საკუთარი თავის ქება, წარსული ხელისუფლების ლანძღვა და მეტი არაფერი. არც რწმენა გაერთიანებთ ერთმანეთის, არც მომავლის ხედვა, არაფერი გაერთიანებთ გარდა ხელისუფლებაში ყოფნისა. როგორ უნდა შევაჯამოთ თქვენი 5-წლიანი მმართველობა, ეს არის: გაზრდილი გადასახადები, გაზრდილი სამთავრობო ვალები, რომელიც დაუტოვეთ მომავალ თაობას, გაზრდილი კორუფცია, გაზრდილი კრიმინალი, გაზრდილი გავლენა რუსეთის და შემცირებული შემოსავალი ბევრი ოჯახისთვის, შემცირებული პენსია, შემცირებული ეკონომიკური ზრდა, შემცირებული რწმენა მომავლისა, ეს არის უმძიმესი განაჩენი რომელიც გამოუტანეთ ჩვენ ქვეყანას და როცა პირად საუბრებში აღიარებთ, რომ საქმე არის და გთავაზობთ რაღაც გამოსავალს, კონკრეტულ ეკონომიკურ ხედვას, განხილვაც არ გინდათ. გვიპასუხეთ რამდენი მილიონი გემეტებათ რომ შეამციროთ ბიუროკრატიის ფლანგვა?! რომ ადამიანებს შეუმსუბუქოთ ცხოვრება?! ჩვენ პირად საუბრებში განვიხილავდით რა უნდა მოხდეს, რომ გამოფხიზლდეთ, არაფერი! გარდა ამომრჩევლების მიერ თქვენთვის გამოტანილი პოლიტიკური განაჩენისა.
„ქართული ოცნების“ ახალი ვარსკვლავი გამოდიოდა და გვითხრა ძალიან მნიშვნელოვანი ფრაზა, რომ: „თქვენ უნდა იცოდეთ ევროპა არის რეგულაციებიო“ არა მეგობრებო! ევროპა არის თავისუფლება და ევროპული საქართველო ის ქვეყანა კაირ იქნება სადაც ბიუროკრატია ბევრ ფულს ჭამს და ოლიგარქის კაპრიზებზეა ყველაფერი დამოკიდებული. ევროპული საქართველო არის სადაც დაბალი გადასახადებია, მთავრობა პატარა და შეზღუდულია, ეფექტური ხელისუფლებაა, მაგრამ კონსტიტუციის და ხალხის წინაშე ანგარიშვალდებული და სადაც ბევრი თავისუფალი, პასუხისმგებლობის მქონე და მომავლის რწმენით მცხოვრები ადამიანია და ასეთი საქართველო აუცილებლად იქნება“, - განაცხადა ბოკერიამ.
