ბიძინა ივანიშვილის დავალებით, საქართველოს მთავრობამ საქართველოს ტერიოტირული მთლიანობის აღდგენის საკითხი უმაღლეს დონეზე, უმაღლესი საერთაშორისო პოლიტიკური დონიდან ფაქტიურად მოხსნა, - განაცხადა საპარლამენტო უმცირესობის წევრმა გიორგი კანდელაკმა პარლამენტში სიტყვით გამოსვლისას.
,,პირველ რიგში, მინდა ვთქვა, რომ ფაქტი, რომ მთავრობა აღარ ესწრება პარლამენტის დებატებს არის უპატივცემულობა პრეზიდენტის და პარლამენტის. დღეს ყველა გარდა ქართული ოცნებისა თანხმდება, რომ ქვეყანა არის მძიმე სიტუაციაში. ჩვენი მოქალაქეების უმრავლესობა ფიქრობს, რომ ქვეყანა ვიტარდება არასწორი მიმართულებით. პირველად ბოლო წლების განმავლობაში მოსახლეობის 30% ფიქრობს, რომ კორუფცია კვლავ გახდა პრობლემა, როგორც ეს იყო შევარდნაძის დროს. საკუთარ გამოსვლაში პრეზიდენტი შეეხო რუსეთის ფედერაციის მიერ ჩვენი ტერიტორიების ოკუპაციის გაღრმავებას და მცდელობას, რომ ეს ოკუპაცია გახადოს შეუქცევადი. რომ იქ აღარასდროს დაბრუნდნენ ჩვენი დევნილები, რომელთა დიდი ნაწილი რუსეთმა საკუთარი სახლებიდან 1993 წელს განხორციელებული ეთნიკური წმენდის შედეგად გამოაძევა. რა თქმა უნდა დეოკუპაცია და ტერიტორიული მთლიანობის აღდგენა უნდა იყოს მთავრობის საქმიანობის ერთ-ერთი მთავარი პრიორიტეტი, მაგრამ არის კი? ბიძინა ივანიშვილის დავალებით, საქართველოს მტავრობამ საქართველოს ტერიოტირული მთლიანობის აღდგენის საკითხი უმაღლეს დონეზე, უმაღლესი საერთაშორისო პოლიტიკური დონიდან ფაქტიურად მოხსნა. არ ვამბობ, რომ ამ საკითხის აქტუალიზაცია თავისთავად გარანტიაა, რომ ტერიტორიული მთლიანობა აღდგება მყისიერად, მაგრამ ამ საკიტხის აქტუალიზაცია არის გარანტია იმისა, რომ როგორც კი მოვა ისტორიული შესაძლებლობა ჩვენი საკიტხი, დევნილთა დაბრუნების საკითხი და ტეროტორიული აღდგენის საკითხი იქნება დასავლეთ-რუსეთის ორმხრივი პოლიტიკური დღისწესრიგის ნაწილი. ისევე, როგორც გერმანია იყო დასავლეთ-საბჭოთაკავშირის ორმხრივი პოლიტიკური დღისწესრიგის ნაწილი მაშინ, როცა კი გაჩნდა ამის ისტორიული შესაძლებლობა. სულ ცოტა ხნის წინ, ერთმანეთს შეხვდნენ ამერიკის პრეზიდენტი და გერმანიის კანცლერი. თავისუფალი სამყაროს ორი ლიდერი. ორივე მათგანმა ახსენა უკრაინა, მაგრამ არც ერთ მათგანს არ უხსენებია საქართველო. რატომ? იმიტომ, რომ ამისაათვის არაფერი არ გაუკეთებია საქართველოს მთავრობას. დიახ, რუსეთთან დიალოგი არის აუცილებელი, მაგრამ უმაღლესი პოლიტიკური დონიდან ჩვენი საკითხის მოხსნა არ არის დიალოგი. საქართველოს რადარებიდან გაქრობა არ არის დიალოგი. რუსეთისთვის კომფორტის შექმნა, რომ არ დადგეს მთელი სიმწვავით ჩვენი საკითხი არ არის დიალოგი. ყველაფერი ეს ტერიტორიული მთლიანობის აღდგენის პერსპექტივას კი არ გვაახლოვებს არამედ გვაშორებს მას. თუნდაც ბოლო დროინდელი მტრული ნაბიჯების ფონზე, რამდენ დედაქალაქში ჩავიდა, რამდენ დედაქალაქში დარეკა ფორმალურმა პრემიერ მინისტრმა იმსათვის, რომ მოეხდინა ამ საკითხის აქტუალიზაცია? არც ერთში. პრაგმატულად, საკითხის აქტუალიზაციის სწორი გზა არის უკრაინასთან ერთად განგვიხილონ ერთ პაკეტში. უკრაინა არის ყველაზე მწვავე საკითხი ევროპულ უსაფრთხოებაში. სანაცვლოდ, საქართველოს მთავრობა უკრაინის საკიტხზე იქცევა, როგორც რუსეთის სატელიტი. თუკი ეს ასე არა არის, მაშინ ხუთი წლის განმავლობაში რატომ არ ჩასულა უკრაინაში საქართველოს არც ერთი საგარეო საქმეთა მინისტრი და არც ერთი პრემიერი ორმხრივ ფორმატში. საქართველოს მთავრობის ნაბიჯები გვაშორებს ტერიტორიული მთლიანობის აღდგენაზე და იწვევს ეკონომიკურ უკუსვლას, მოსახლეობის გაღარიბებას. მაგალიტად შეგვიძლია მოვიტანოთ თავდაცვის სამინისტროს დაფინანსების შემცირება, მაშინ, როცა რუსეთის ყველა მეზობელი ზრდის სამხედრო ხარჯებს. ბალტიის ქვეყნები, რომლებიც ნატოში არიან ჩვენგან განსხვავებით. საქართველოს მთელი ბრიგადის დაშლაზე არის საუბარი. ჩვენ ამას გაგებით მოვეკიდებოდით, რომ ხდებოდეს ზოგადად მფლანგველობითი ბიუჯეტის შემცირება, მაგრამ ამას არ ვხედავთ. საუბარია მხოპლოდ მეხუთე ბრიგადის დაშლაზე და გრძელდება ნეპოტიზმიც, კორუფციაც და არფრისმომცემი ხარჯები. რა უნდა იფიქროს სტატუს შეჩერებულმა სტუდენტმა, რომელთა რაოდენობა დღეს უკვე 38 000-ია, რომელიც უყურებს ბოლოდროინდელ გამაოგნებელ ნეპოტისტურ ფაქტებს წყალმომარაგების კომპანიაში, სადაც ინიშნებიან თქვენი ნათესავები და მეგობრები ასრტონომიული ხელფასებით. საქართველოს ჰყავს მთავრობა, რომელიც ვერ უმკლავდება ვერც ერთ პრობლემას. ჩვენი ქვეყნის კეთილდღეობისთვის და უსაფრთხოებისთვის ზიანის მეტი არაფრისმომტანი ქართული ოცნების ხელისუფლება აუცილებლად დასრულდება,’’-გიორგი კანდელაკი.
