მსუბუქი ნარკოტიკების ლიბერალიზაციაზე, სავარაუდოდ, უწყებათაშორისი კომისია იმუშავებს. შინაგან საქმეთა მინისტრის მოადგილის შალვა ხუციშვილის განცხადებით, უმჯობესი იქნება, თუ ამ თემაზე სპეციალური ჯგუფი იმუშავებს.
"იუსტიციის სამინისტროს აქვს კანონპროექტების პაკეტი, თუმცა ეს მხოლოდ მარიხუანასთან დაკავშირებულ ლიბერალიზაციას ეხება. ცალსახად ლიბერალიცაზია უნდა მოხდეს თუ არა ძნელი სათქმელია. კონკრეტული გეგმა ჯერ არ მინახავს. კარგი იქნება, რომ ამ საკითხზე შეიქმნას უწყებათაშორისი სამუშაო ჯგუფი არასამთავრობოების და ექსპერტების ჩართულობით."- განაცხადა შალვა ხუციშვილმა.
მისივე თქმით, შინაგან საქმეთა სამინისტრო მზად არის ამ დიალოგისთვის, თუმცა ეს არ არის მხოლოდ ამ უწყების საქმე. "მსუბუქი ნარკოტიკების ლიბერალიზაცია კომპლექსური თემაა და საჭიროებს არაერთი საკითხის გათვალისწინებას, " -დასძინა შალვა ხუციშვილმა.
