პროკურატურა რჩეულიშვილებს საპროცესო გარიგებას და პირობით გათავისუფლებას სთავაზობს, თუკი ისინი დაზარალებულთა მოთხოვნებს დააკმაყოფილებენ.
რჩეულიშვილების ადვოკატმა, მარინე ცუცქირიძემ „კურიერის“ ეთერში საქმის დამატებით გარემოებებზე ისაუბრა. მისი თქმით, მსჯავრდებულებს სურდათ საპროცესო შეთანხმების გაფორმება, რომელიც დაზარალებულებს ზიანს აუნაზღაურებდა, მაგრამ პროკურატურა უარზე იყო.
„დიდი სიამოვნებით გავაფორმებთ საპროცესო შეთანხმებას, თუ გვეცოდინება, რომ ყველა დაზარალებული დაკმაყოფილდება, ქონებას ბიუჯეტში არ შეიტანენ და ორივე მხარე იქნება კმაყოფილი“.
„საინტერესოა და ეჭვს ბადებს, დღეს რატომ ალაპარაკდა პროკურატურა საპროცესო შეთანხმებაზე, როდესაც სამი წელია ვიხვეწებით, მაია რჩეულიშვილიც კი ვიხვეწებოდით, ქონებაზე ყადაღა მოეხსნათ, რათა მომხდარიყო მისი რეალიზაცია და ყველა დაზარალებულის დაკმაყოფილება, პროკურატურას ამის გაგონებაც არ უნდოდა,“- განაცხადა ადვოკატმა, მარინე ცუცქირიძემ
დღეს. „ცენტრ პოინტის“ საქმეზე სასამართლომ გამამტყუნებელი განაჩენი გამოიტანა. მაია რჩეულიშვილსა და რუსუდან კირვალიძეს 4-4 წლით თავისუფლების აღკვეთა მიესაჯათ.
