ნარკოდანაშაულისთვის დაკავებული შოთა პაკელიანის ადვოკატის ინფორმაციით,, პაკელიანმა დაცემისას მუხლის და იდაყვის დაზიანება მიიღო, თუმცა თავის არეში დაზიანებები ბლაგვი საგნით აქვს მიყენებული.
დაკავებულის ოჯახის წევრებთან ერთად გამართულ პრესკონფერენციაზე ზურაბ თოდუამ აღნიშნა, რომ დაკავებულმა ნარკოტიკული ნივთიერება თავის სახლთან იპოვა.
„არ გამოვრიცხავ, რომ პაკელიანს ეს ნივთიერება დაუდეს სპეციალურად. მან იპოვა თავისი სახლის მიმდებარე ტერიტორიაზე, დაინტერსედა რა იყო და ამ დროს იქ მოულოდნელად აღმოჩნდნენ პოლიციელები. პაკელიანი გაიქცა, გაირბინა 150-200 მეტი, ფეხი წამოკრა რაღაც ნივთს და წაიქცა. ვადასტურებ, რომ მან დაიზიანა იდაყვი და მუხლი, თუმცა პოლიციელების ჩვენებით, რომლებიც იქ იმყოფებდნენ დასტურდება რომ, როცა ისინი პაკელიანთან მივიდნენ, შარვალი დახეული არ ჰქონდა და სახეზე დაზიანებები არ აღენიშნებოდა. პოლიციელებისვე ჩვენებაში წერია, რომ პაკელიანმა გაქცევისას მარჯვენა ჯიბიდან ამოიღო ნივთიერება და გადაყლაპა, თუმცა მთლიანად მისი გადაყლაპვა ვერ მოასწრო და ნაწილი დაიტოვა ჯიბეში“, - განაცხადა ადვოკატმა.
თოდუა „დაკავებისას განხორციელებულ რამდენიმე უკანონობაზეც“ ამახვილებს ყურადღებას. მისი თქმით, მან უკვე მიმართა პროკურატურას რამდენიმე კანონდარღვევათა დაკავშირებით
რაც შეეხება კიდევ ერთ ადვოკატს, გიორგი მახარაძეს, მისი მტკიცებით შოთა პაკელიანი წამების და არადამიანური მოპყრობის მსხვერლია. ადვოკატის მტკიცებით, აბსურდია იმის მტკიცებაც, რომ თურმე პაკელიანს შს სამინისტროს და გამომძიებლების არანაირი პრეტენზია არ გააჩნია.
