მიმდინარე წლის პირველ 2 თვეში მთლიანობაში 905 საგზაო-სატრანსპორტო შემთხვევა მოხდა- ამის შესახებ ინფორმაციას „საქართველოს ალიანსი უსაფრთხო გზებისთვის“ ავრცელებს. მათი კვლევა შინაგან საქმეთა სამინისტროს სტატისტიკას ემყარება.
დაიღუპა 84 და დაშავდა 1277 ადამიანი. დაღუპულთაგან 19 ქვეითია , მათგან 5 კი არასრულწლოვანი.
ავტოსაგზაო შემთხვევათა ძირითადი მიზეზებია მანევრირების წესების დარღვევა, სიჩქარის გადაჭარბება, შემხვედრ ზოლში გადასვლა და ნასვამ მდგომარეობაში მართვა.
არასამთავრობო ორგანიზაციები მთავრობას მოქმედებისკენ მოუწოდებენ, რამოდენიმე აქცია გაიმართა თბილისში, პარლამენტის წინ, რომელზეც საგზაო მოძრაობის უსაფრთხოების გაუმჯობესება მოითხოვეს.
