რუსთავი 2-ის გენერალური დირექტორი დღეს კრიმინალური პოლიციის დეპარტამენტში დაკითხვაზეა დაბარებული. ადვოკატის ინფორმაციით, გამოძიებას კითხვები კომპიუტერულ სისტემაში უნებართვოდ შეღწევის, პირადი საუბრების უკანონოდ მოპოვებისა და გავრცელების საქმეზე აქვს, თუმცა დიმიტრი საძაგლიშვილის შეფასებით, ეს უბრალო ფორმალობაა და რაიმე სახის სამართლებრივი შედეგის მიღწევის იმედი მას არ აქვს. ნიკა გვარამიას საჯარო განცხადების საფუძველზე შინაგან საქმეთა სამინისტრომ გამოძიება ზუსტად ერთი თვის წინ დაიწყო. საქმე ინტერნეტში ნიკა გვარამიასა და მამუკაა ხვლედიანის სავარაუდო საუბრის ჩანაწერის გავრცელებას ეხება.
