მოსამართლეებზე შესაძლო ზეწოლის საქმესთან დაკავშირებით, პროკურატურაში საკონსტიტუციო სასამართლოს თავმჯდომარე და მისი მოადგილე იმყოფებიან. გიორგი პაპუაშვილი მთავარ პროკურორს, ირაკლი შოთაძეს ხვდება.
კონსტანტინე ვარძელაშვილი კი საქმის გამომძიებლებს ხვდება და მის ხელთ არსებულ ინფორმაციას მიაწვდის.
"არ გეტყვით მე ვარ თუ სხვა, რადგან სულ 9 მოსამართლე ვართ და გამორიცხვის მეთოდით შესაძლებელი გახდება გაგება თუ რომელ მოსამართლეზეა საუბარი,"- განაცხადა ვარძელაშვილმა.
პაპუაშვილის მოადგილემ ჟურნალისტებთან საუბრისას განაცხადა, რომ დაკითხვაზე მოსამართლეების სიარული არაჯანსაღი პროცესია.
გამოძიების ფარგლებში, ვარძელაშვილამდე უკვე დაიკითხა რამდენიმე მოსამართლე.
