სასამართლო-სამედიცინო ექსპერტმა მაგდა პაპიძის შვილის, თორნიკე ქაფიაშვილის ასთმით დაავადების ფაქტი არ დაადასტურა.
როგორც ექსპერტმა ელენე ჭითანავამ სასამართლოს სხდომაზე განაცხადა, კვლევის შედეგად ბავშვს ალერგიული ფონი აღმოაჩნდა, რაც შეიძლება მტვერსა და ქლორზე გამოვლინდეს.
ჭითანავამ ბავშვის გარდაცვალების მიზეზად ასფიქსია, ცხვირ-პირის შესავლების გადაკეტვა დაასახელა.
“თორნიკე ქაფიაშვილის ცხედარს თვალბუდის არეში, ზედა და ქვედა ქუთუთოების გარშემო აღენიშნებოდა წერტილოვანი სისხლჩაქცევები. სისხლჩაქცევები ჰქონდა ზედა და ქვედა ტუჩის ლორწოვანზე. ეს დამახასიათებელია ასფიქსიური სურათისთვის. დაზიანებები ჰქონდა, ასევე ყურის უკან, რაც შესაძლებელია, ფრჩხილით ყოფილიყო მიყენებული. ხაზოვანი სისხლნაჟღენთები იყო. რაც შეეხება, შუბლს და საფეთქელს, ამ მიდამოებში დაზიანებები არ ჰქონია. ალერგიული ფონი კი ჰქონდა, მაგრამ სუნთქვასთან, ფილტვებთან დაკავშირებული პათოლოგია კვლევისას არ გამოვლინდა”, - განაცხადა ჭითანავამ,
