ბავშვის ოჯახისგან განცალკევება სოციალურ მუშაკს განსაკუთრებულად კრიტიკულ შემთხვევებში შეეძლება. ამის შესახებ შრომისა და სოციალური დაცვის მინისტრმა პარლამეტის მიერ მიღებული ,,ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ“ საქართველოს კანონში შეტანილი ცვლილებების განმარტებისას განაცხადა. დავით სერგეენკოს თქმით, არსი შემთხვევები, როდესაც ოჯახში ბავშვზე ხდება ძალადობა, რაზეც რეაგირებას განსაზღვრავდა კანონი და ამის დეტექციას სოციალური მუშაკი ახდენდა.
,,პირველ ნაბიჯზე პოლიცია შემაკავებელ ორდერს გამოწერდა, შემდეგ სასამართლოს უნდა გადაეწყვიტა და ბავშვის მოშორება მოძალადე ოჯახისგან ამ პროცედურით ხდებოდა. ეს პროცედურა ისევ დაცული იქნება, თუმცა, სამწუხაროდ, გვაქვს სიტუაციები, როდესაც რამდენიმე საათსაც კი გადამწყვეტი მნიშვნელობა აქვს. ამ ცვლილებით, სოციალურ მუშაკს უფლება ენიჭება, განსაკუთრებულად კრიტიკულ შემთხვევებში, როდესაც ბავშვის ჯანმრთელობასა და სიცოცხლეს საფრთხე ექმნება და რეაგირება უნდა მოხდეს პირველივე საათებში, ბავშვი ოჯახისგან განაცალკეოს ამ პროცედურების გვერდის ავლით"- განაცხადა სერგეენკომ.
მინისტრის განცხადებით, პროცესში სამინისტორსთან ერთად ჩართული იქნება ყველა ის სამთავრობო, თუ არასამთავრობო ორგანიზაცია, რომლებიც ამ საკითხებზე მუშაობენ.
პარლამენტის მიერ მიღებული საკანონმდებლო ცვლილებებით, სოციალური მუშაკის მიერ ბავშვის განცალკავებასთან დაკავშირებით მიღებული გადაწყვეტილებისადმი დაუმორჩილებლობა გამოიწვევს კანონით დადგენილი წესით პასუხსიმგებლობას.
