დღეს, ტელეკომპანია "იმედის" საქმეზე ბრალდებული ყოფილი მაღალჩინოსნების პროცესი ბრალდების მოწმეთა დაკითხვით განახლდა. კერძოდ, იკითხება ტელეკომპანიის პროდიუსერი ჯონი კალანდაძე, რომელიც ცხრა წლის წინ ,,იმედის“ დარბევის დროს ტელეკომპანიაში იმყოფებოდა. დღესვე იგეგმება ტელეკომპანიის საინფორმაციოს უფროსის მაია თაბაგარის დაკითხვა.
,,იმედის“ საქმეზე ბრალდებულები არიან მიხეილ სააკაშვილი, ვანო მერაბიშვილი, დავით კეზერაშვილი, გიგი უგულავა და ზურაბ ადეიშვილი. პროცესს ბრალდებულები არ ესწრებიან.
