პრემიერ-მინისტრის ირაკლი ღარიბაშვილის ინფორმაციით, საუდის არაბეთის პრინცი უახლოეს მომავალში საქართველოში კონკრეტულ პროექტებზე მუშაობის დასაწყებად სპეციალურ დელეგაციას გამოგზავნის.
მთავრობის დღევანდელ სხდომაზე პრემიერმა საუდის არაბეთის პრინცის რამდენიმე საათიანი ვიზიტი მნიშვნელოვნად შეაფასა.
"მე მინდა, მადლიერებით აღვნიშნო, რომ მისი ვიზიტი იყო საკმაოდ ძლიერი გზავნილის შემცველი. გუშინ მქონდა საუბარი და პრინცი აპირებს, უახლოეს მომავალში გამოაგზავნოს დელეგაცია, რომელიც უკვე კონკრეტულ პროექტებზე დაიწყებს მუშაობას, საქართველოში ინვესტიციების ჩასადებად", - განაცხადა ირაკლი ღარიბაშვილმა.
გუშინ, საუდის არაბეთის პრინცი ალ-ვალიდ ბინ ტალალ ბინ აბდულაზ ალ საუდი ირაკლი ღარიბაშვილს შეხვდა.
