სამთავრობო პროგრამის ფარგლებში „აწარმოე საქართველოში“, საქართველოს ეკონომიკისა და მდგარდი განვითარების სამინისტროს სსიპ მეწარმეობის განვითარების სააგენტოს ხელშეწყობით ორი ახალი პროექტი განხორციელდა, რომლის შედეგადაც კომპანიებს: შპს „გამომცემლობა გრიფონსა“ და შპს „ედვაიზ ჯგუფს“ წარმოების გაფართოების შესაძლებლობა მიეცა.
ხსენებული კომპანიების ძირითად საწარმოო მიმართულებას საგამომცემლო-პოლიგრაფიული საქმიანობა წარმოადგენს და ქართულ ბაზარზე გათვლილი ნაბეჭდი პროდუქციის წარმოებაზეა კონცენტრირებული. კერძოდ, შპს „გამომცემლობა გრიფონი“წიგნებისა და ჟურნალების ბეჭდვის ინდუსტრიაში მოღვაწეობს, ხოლო შპს „ედვაიზ ჯგუფი“ ორიენტირებულია სარეკლამო და მარკეტინგული პროდუქციის მიმართულებაზე ბუკლეტების, ბროშურების, კატალოგებისა თუ ეტიკეტების წარმოების სახით, რომელსაც მსგავსი პროფილის კომპანიებისაგან მაღალი პროდუქტიულობა, სანდო ხარისხი,ფასწარმოქმნის მოქნილი მეთოდი და კონკურენტუნარიანი საფასო პოლიტიკა გამოარჩევს.შპს „ედვაიზ ჯგუფის“ წარმოების გაზრდის მიზნით განხორციელებული პროექტის ინვესტიციების ჯამური მოცულობა 162,068 აშშ დოლარს შეადგენს, ხოლო შპს „გამომცემლობა გრიფონის“ 70,110 აშშ დოლარს უტოლდება.
ზემოხსენებულთან ერთად, მეწამეობის განვითარების სააგენტოს მხარდაჭერით აღნიშნული ორი კომპანია შეძლებს საწარმოო პროდუქციის კიდევ უფრო ფართო სპექტრი მოიცვას, გაზარდოს დასაქმებულთა რიცხვი და კომპანიათა სამომავლო პრიორიტეტული მიმართულებები განავითაროს.
შეგახსენებთ, რომ პროგრამა „აწარმოე საქათველოში“ სალიზინგო პროექტების დაფინასებას მოიცავს, რომლის ფარგლებშიც მეწარმეობის განვითარების სააგენტო ლიზინგის გამცემის მიერ პროგრამის ბენეფიციარისთვის გაცემულ ქირაზე დარიცხული წლიური საპროცენტო განაკვეთის თანადაფინანსებას უზრუნველყოფს. პროგრამის ფარგლებში სალიზინგო პროექტებზე 15 %-იანი ლიმიტია დაწესებული, საიდანაც სახელმწიფო 12 პროცენტს ფარავს. სალიზინგო პროექტის საწყისი ღირებულებაა 50,000 დოლარია და 2 მილიონ აშშ დოლარამდე აღწევს.ზოგადად, მეწარმეობის განვითარების სააგენტო პროგრამის ბენეფიციარებისათვის სხვადასხვა სახის დახმარებას უზრუნველყოფს ადგილობრივი წარმოების განვითარებისთვის და მიზნად ისახავს ეროვნულ საწარმოთა შესაძლებლობების გაზრდის გზით ხელი შეუწყოს მეწარმეობის გააქტიურებას ქვეყნის მასშტაბით, რომლის მკაფიო მაგალითსაც ზემოაღნიშნული ორი კომპანიის მხარდაჭერა წარმოადგენს.
