პარლამენტი მიმდინარე წლის ბიუჯეტს 6 მილიონი ლარით შეიმცირებს. ამის შესახებ გადაწყვეტილება პარლამენტის ხაზინადართა საბჭომ მიიღო.
პარლამენტის თავმჯდომარემ დავით უსუფაშვილმა ბიუროს დღევანდელ სხდომაზე განაცხადა, რომ შრომის ანაზღაურების ფონდიდან შესაძლებელია 1.5 მილიონი ლარის დაზოგვა.
,,გარდა ამისა, პარლამენტის ბიუჯეტის ფარგლებში დაგეგმილი იყო გარკვეული ხარჯები "იბიარდის" ყოველწლიური ღონისძიებისათვის, რაც საბოლოოდ ფინანსთა სამინისტრომ გაიღო. ასევე ფინანსები გათვალისწინებული იყო პარლამენტის შენობის ფასადის რემონტისათვის, რაც არ განხორციელდება”, - აღნიშნა უსუფაშვილმა და დასძინა, რომ შესაბამისად გამოთავისუფლდება 6 მილიონამდე ლარი და ამის თაობაზე მთავრობას ეცნობება.
