ქობულეთში მუნიციპალიტეტის ტერიტორიაზე სასტუმროებსა და სასტუმროს ტიპის სახლებში უსაფრთხოების ნორმების შესწავლისა და მათზე რეკომენდაციების გაცემის მიზნით სამუშაო ჯგუფი შეიქმნა. როგორც ქობულეთის მუნიციპალიტეტში განმარტავენ, ჯგუფი გამგეობის შესაბამისი სამსახურების წარმომადგენლებისა და მოწვეული სპეციალისტებისგან დაკომპლექტდა.
სამუშაო ჯგუფმა პირველივე სხდომაზე ხანძრის გაჩენის თავიდან აცილებისა და უსაფრთხოების ნორმების დაცვის მიზნით რეკომენდაციების შესადგენად დაიწყო მუშაობა, ასევე სხდომაზე ჯგუფის მიერ გასატარებელ ღონისძიებებსა და მათი ეფექტურად განხორციელების გზებზე ისაუბრეს.
ჯგუფის წევრთა გადაწყვეტილებით სასტუმროებისა და სასტუმროს ტიპის სახლების მესაკუთრეებს რამდნიმე დღეში რეკომენდაციები და გაფრთხილებები დაურიგდებათ და ხარვეზის აღმოსაფხვრელად გონივრული ვადა მიეცემათ.
