„თიბისი ბანკის“ გენერალური დირექტორის ვახტანგ ბუცხრიკიძის ინფორმაციით, ლარის გამყარების ტენდენცია რამდენიმე თვის განმავლობაში გაგრძელდება.
როგორც მან სასტუმრო „რედისონში“ , ეროვნული ბანკიდან საბანკო ზედამხედველობის სამსახურის გამოყოფასთან დაკავშირებით მსჯელობისას განაცხადა, სავალუტო კურსზე ძირითადად საგარეო ფაქტორები მოქმედებდა,.
მისივე თქმით, მეზობელ აზერბაიჯანში, მიმდინარე წლის თებერვალში, ვალუტის დევალვაცია 33%-ით მოხდა, რის გამოც კურსის შესანარჩუნებლად ცენტრალური ბანკი ყოველთვიურად მილიარდ დოლარზე მეტს ხარჯავს.
რაც შეეხება საქართველოს, ბიზნესმენი აცხადებს, რომ იმან, რაც გაკეთდა, მოიტანა ის, რომ ცვალებადი კურსი შეიცვალა.
,,ფაქტიურად, შეიძლება ითქვას, რომ ძირითადად უკვე ასახულია ის ფაქტორები, რომლებიც კურსზე ზეგავლენას ახდენენ. თუ დავაკვირდებით ბოლო 10 დღის პროგნოზებს და იმ სტატისტიკას რაც არსებობს, ლარის გამყარების ტენდენცია მეორე კვარტალში და რამდენიმე თვის განმავლობაში გაგრძელდება“,- განაცხადა ბუცხრიკიძემ.
ეროვნული ვალუტა აშშ დოლართან მიმართებაში დღეს მცირედით კვლავ გამყარდა და 1 აშშ დოლარის ფასმა 2.3013 ლარი შეადგინა.
