პოპულარული ამერიკული სამოგზაურო ჟურნალი AFAR-ის ჟურნალისტები საქართველოს ტურისტულ მიმართულებებს ეცნობიან. მედიის წარმომადგენლები საქართველოში ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით იმყოფებიან. 4 დღიანი პრესტურის ფარგლებში ჟურნალისტებმა უკვე დაათვალიერეს თბილისისა და მცხეთის ისტორიული უბნები, მოინახულეს ანანური და ყაზბეგი.
AFAR-ის ჟურნალისტები საქართველოს ტურისტული მიმართულებების შესახებ სამოგზაურო გამოცემისთვის 10 გვერდიან სტატიას მოამზადებენ.
ჟურნალ AFAR-ს აშშ-ში მილიონზე მეტი მკითხველი ჰყავს. მოგზაურობის თემაზე ორიენტირებული ჟურნალისტიკის განვითარებაში შეტანილი წვლილისათვის გამოცემას არა-ერთი ჯილდო აქვს მოპოვებული.
