პრემიერ-მინისტრი ირაკლი ღარიბაშვილი ფინანსთა მინისტრს მოუწოდებს, არ გამოეყოთ თანხები იმ სამინისტროებსა და რაიონებს, რომელთაც ხარჯები ვერ აითვისეს.
"გასაგებია, რომ პრობლემები არსებობს პროექტირებასთან დაკავშირებით, მაგრამ გამონახეთ გამოსავალი. ეს ეხება აბსოლუტურად ყველა სამინისტროს. ბატონო ნოდარ, წარმოადგინეთ დეტალური ინფორმაცია, რომელი რაიონი ვერ ითვისებს ხარჯებს და მიიღეთ რაღაც ზომები. ნუღარ გამოუყოფთ თანხებს ისეთ რაიონებს, რომელიც მის ათვისებას ვერ ახერხებს. ასევე ეს ეხება ყველა სამინისტროს. აბსოლუტურად ყველგან კაპიტალურ ხარჯებს მიაქციეთ ყურადღება", - მიმართა პრემიერ-მინისტრმა ნოდარ ხადურს.
ფინანსთა მინისტრს, მთავრობის დღევანდელ სხდომაზე, ბიუჯეტის სეკვესტრირებული ვარიანტის 10 ივნისამდე წარდგენა დაევალა.
