4 ივნისამდე აჭარას თურქეთის დელეგაცია სტუმრობს, რომლის შემდაგენლობაში შედის როგორც თურქეთის ტურისტული სააგენტოების ასოციაციის „ტურსაბის“ წევრი სააგენტოები, ასევე თურქეთის კულტურის სამინისტროსა და თურქეთის ავიაზების წარმომადგენელი. სამომავალო თანამშრომლობის მიზნით დელეგაციის წევრები შეხვედრას გამართავენ ტურიზმის დეპარტამენტის ხელმძვანელ პირებთან. ტურისტული კომპანიები რეგიონის ღირშესანიშნაობებს მოინახულებენ და სასტუმრო ინფრასტრუქტურას გაეცნობიან.
აღსანიშნავია, რომ მაისში აჭარის ტურიზმის დეპარტამენტის მოწვევით წამყვანი თურქული მედია საშუალებები იმყოფებოდნენ, რომელთა მიერ გავრცლებული სარეკლამო ხასიათის სიუჟეტები, სტატიები და ბლოგები 5 მილიონამდე წვდომას შეადგენს. 2015 წლის სეზონთან დაკავშირებით, აჭარის ტურიზმის დეპარტამენტმა მხოლოდ თურქეთიდან მე-3 საინფორმაციო ტურს გაუწია ორგანიზება, ხოლო მთლიანობაში, სამიზნე ქვეყნების მიხედვით 15 საინფორმაციო ტური ჩაატარა, რომლის ფარგლებში 180-მდე ტურიზმის დარგის უცხოელ პროფესიონალს (ჟურნალისტები და ტუროპერატორები) უმასპინძლა.
აღსანიშნავია, რომ შემოსული ტურისტების რაოდენობით, თურქეთი ბოლო წლებია ლიდერ პოზიციაზეა არამარტო რეგიონის, მთლიანად ქვეყნის მასშტაბით. ივნისის თვეში ტურიზმის დეპარტამენტის ორგანიზებით თურქეთიდან კიდევ ორი მედია ტურია დაგეგმილი.
