2015 წლის მაისში  საქართველოს  454 545  საერთაშორისო ვიზიტორი ეწვია, შესაბამისად ზრდა 2014 წლის იგივე პერიოდის მაჩვენებელზე 14,7 %-ია.

მათ შორის: 24 საათი და მეტი - 164 690 ვიზიტი (ზრდა წინა წლის ანალოგიურ მაჩვენებელთან 5%);

”რაც შეეხება  2015 წლის იანვარ-მაისის თვის მონაცემებს, საქართველოს  1 835 545 საერთაშორისო ვიზიტორი ეწვია.  ზრდა წინა წლის ანალოგიურ პერიოდთან 2%-ია”,- აცხადებს ტურიზმის ეროვნული ადმინისტრაციის ხელმძღვანელი გიორგი ჩოგოვაძე.

მათ შორის:

ა) 24 საათი და მეტი - 656 068 ვიზიტი ( წილი 35,7%, კლება წინა წლის ანალოგიურ მაჩვენებელთან     - 3%);

ბ) ტრანზიტი - 405 208 ვიზიტი (წილი 22,1%, ზრდა  წინა წლის ანალოგიურ მაჩვენებელთან 21%);

გ) სხვა - 774 269 ვიზიტი (წილი  42,2%, კლება წინა წლის ანალოგიურ მაჩვენებელთან -1,3%).

”2015 წლის მაისშიც ყველაზე მეტი ვიზიტი კვლავ თურქეთიდან (+0,5%), აზერბაიჯანიდან (+8,7%), სომხეთიდან (+33%), რუსეთიდან (+42,5%) და უკრაინიდან (-5,8%) განხორციელდა. ასევე, პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარ-მაისშიც გამოირჩეოდნენ ლიტვა, გერმანია, ჩეხეთი, დიდი ბრიტანეთი და ნიდერლანდები (შესაბამისად 44%, 27%, 26%, 24% და 14%), შუა აზიის ქვეყნებიდან უზბეკეთი (104%) და ყაზახეთი (29%), აღმოსავლეთ ევროპის ქვეყნებიდან - ბელორუსიის და მოლდოვას მოქალაქეები 42% და 43%-იანი, ხოლო ცენტრალური აზიის ქვეყნებიდან - არაბათა გაერთიანებული საემიროები 639 %-იანი მატებით. აქვე აღსანიშნავია ამერიკის შეერთებული შტატების მოქალაქეების 15%-იანი ზრდა”, აცხადებენ ტურიზმის ეროვნულ ადმინისტრაციაში.