რუსული ავიაკომპანია S7 Airlines-ი (სიბირი), ქართულ ავიაკომპანია Georgian Airways-თან ერთად, მოსკოვიდან ქუთაისის მიმართულებით ავიარეისებს განახორციელებს.

რაც იმას ნიშნავს, რომ კომპანია მოსკოვიდან ბათუმისა და თბილისის გარდა, ქუთაისის მიმართულებითაც იფრენს.

საწყის ეტაპზე რეისი მოსკოვი-ქუთაისი-მოსკოვი კვირაში ერთჯერ: კვირაობით განხორციელდება. აღნიშნულ მარშრუტზე ფრენებს S7 Airlines-ი Airbus-А319-ით შეასრულებს.

აღსანიშნავია, რომ S7 Airlines-ი მოსკოვიდან თბილისში ყოველდღიურ რეისებს ასრულებს,. ხოლო ბათუმის მიმართულებით კი კვირაში ორჯერ დაფრინავს.

შეგახსენებთ, რომ დღეისათვის რუსეთსა და საქართველოს შორის ავიარეისებს ასრულებენ: რუსული S7 Airlines-ი, Aeroflot-ი, Transaero Airlines-ი, Ural Airlines-ი და ქართული Georgian Airways-ი.
საქართველოსა და რუსეთის ფედერაციის საავიაციო ხელისუფლებებს შორის 2015 წლის 12 აპრილს გაფორმებული ტექნიკური შეხვედრის ოქმის შესაბამისად, თითოეული მხარიდან დანიშნულ გადამზიდველებს აღნიშნულ საჰაერო ხაზზე  ზაფხულის პერიოდში  შეუძლიათ 21 ფრენის სიხშირის განხორციელება.