Georgian Airlines-ი თბილისი-მოსკოვი-თბილისის საჰაერო ხაზზე დამატებითი სიხშირის დამტკიცებას ითხოვს. როგორც სამოქალაქო ავიაციის სააგენტოში განმარტავენ, 29 მაისს, სააგენტოში შევიდა ავიაკომპანია Georgian Airlines-ი (აირზენა) განაცხადება, თბილისი-მოსკოვი-თბილისი საჰაერო ხაზზე დამატებით ფრენის 5 სიხშირის დამტკიცების თაობაზე.
სააგენტოში განმარტავენ, რომ საქართველოსა და რუსეთის ფედერაციის საავიაციო ხელისუფლებებს შორის 2015 წლის 12 აპრილს გაფორმებული ტექნიკური შეხვედრის ოქმის შესაბამისად, თითოეული მხარიდან დანიშნულ გადამზიდველებს აღნიშნულ საჰაერო ხაზზე ზაფხულის პერიოდში შეუძლიათ 21 ფრენის სიხშირის განხორციელება.
Georgian Airlines-ს კი ოფიციალურად 16 სიხშირე ქონდა დამტკიცებული და რეალურად 14 სიხშირეს იყენებდა, ხოლო ზაფხულის პერიოდთან და შესაბამისად მგზავრთნაკადის ზრდის ფონზე, არსებული კვოტის მთლიანად ათვისება სურს და კვირაში თბილისიდან-მოსკოვის მიმართულებით 21 სიხშირის განხორციელებას აპირებს.
სამოქალაქო ავიაციის საგენტოს ინფორმაცითვე, რუსულ ავიაკომპანიებს (აეროფლოტი, ტრანს აერო, სიბირი) საკუთარი კვოტა, ანუ კვირაში 21 სიხშირე უკვე ათვისებული აქვს.
