2015 წლის პირველ კვარტალში სმარტფონების რეალიზაციის მაჩვენებელი 19,3 %-ით გაიზარდა. ანალიტიკური კომპანია Gartner-ის გათვლებით, 2015 წლის პირველ კვარტალში პლანეტაზე სულ 336 მლნ ერთეული სმარტფონი გაიყიდა.
გაყიდვების მხრივ, ლიდერები განვითარებადი ქვეყნები და ახია-წყნარი ოკეანის რეგიონი, აღმოსავლეთ ევროპა და ახლო აღმოსავლეთის ქვეყნები აღმოჩნდა
ირკვევა, რომ მიმდინარე კვარტალში Apple-მა ბაზარზე ძლიერი პოზიციის შენარჩუნება შეძლო, რაც ძირითადად ჩინეთის დამსახურებაა. სტატისტიკური ინფორმაციის მიხედვით, იანვარ-მარტში ”ჩაკბეჩილმა ვაშლმა” ჩინეთში 72,5 %-ით მეტი სმარტფონი გაყიდა და ჩინეთის ბაზარზე ნომერ პირველიც კი გახდა.
Gartner-ის გათვლებით, 2018 წლისთვის მსოფლიოში 10 ტელეფონიდან 9 სმარტფონი იქნება.
