ლარის კურსი დასტაბილურდება - ამ პირობას სებ-ის პრეზიდენტი მიმდინარე მაკრო-ეკონომიკური პარამეტრების ფონზე იძლევა. გიორგი ქადაგიძე ამბობს, რომ აღნიშნული პროცესი უახლოეს მომავალშია მოსალოდნელი.
”ბევრჯერ ითქვა თუ რამ გამოიწვია ლარის დევალვაცია, რომელიც სავალუტო შემოდინებების შემცირებას უკავშირდება. დღევანდელი მდგომარეობით ჩვენ მივიღეთ ლარის 30 %-იანი გაუფასურება. ეს ჯერ ბოლომდე არ ასახულა იმპორტზე. თუმც ასახვა დაწყებულია, რაც იმას ნიშნავს, რომ იმპორტი შემცირდება. იმპორტის შემცირება ნიშნავს ნაკლებ მოთხოვნას უცხოურ ვალუტაზე. შესაბამისად არსებული მონაცემებით, ლარი უნდა დასტაბილურდეს უახლოეს მომავალში და დასტაბილურდება კიდეც უახლოეს მომავალში”,- აღნიშნა გიორგი ქადაგიძემ.
