ბათუმში „LEO GRAND “-ს მშენებლობისათვის 35 მლნ დოლარის ინვესტიცია განხორციელდება. 182 ნომრიან სასტუმროში საპრეზიდენტო აპარტამენტები, საკონფერენციო დარბაზები, რესტორანი, კლუბი და ბათუმში ყველაზე დიდი სპა ცენტრი განთავსდება.
აჭარის ფინანსთა და ეკონომიკის სამინისტროს ინფორმაციით, აღნიშნული ინვესტიცია დაახლოებით 700 ადამიანი დასაქმებას ითვალისწინებს. სასტუმრო ექსპლუატაციაში მიმდინარე წლის ზაფხულამდე შევა.
აჭარის ფინანსთა და ეკონომიკის მინისტრი სასტუმრო „ლეო გრანდი“-ს მშენებლობის პროცესს გაეცნო. პროექტის დეტალები მინისტრს კომპანიის დამფუძნებელმა ერულ ავგორენმა გააცნო. დავით ბალაძემ კომპანიის წარმომადგენლებთან ერთად კაზინოს მშენებლობა დაათვალიერა. აღნიშნული კაზინო ამიერკავკასიაში ყველაზე დიდი იქნება.