საქართველოს მთავრობა, ლარის გაუფასურებების გამო, "ქამრების შემოჭერის" პოლიტიკაზე გადადის. ამის შესახებ, პრემიერმა ირაკლი ღარიბაშვილმა ჟურნალისტებთან განაცხადა.
პრემიერმა ადმინისტრაციული ხარჯების შემცირებაც არ გამორიცხა.
"ვინაიდან, ლარის გაუფასურებამ ნეგატიური გავლენა იქონია ჩვენი მოქალაქეების ჯიბეზე, ასევე კომპანიებზე, ჩვენც ვართ მზად, რომ იტყვიან, ქამრები შემოვიჭიროთ და მაქსიმალურად ეფექტიანად გავაგრძელოთ მუშაობა კოორდინირებულად ერთად. ჩვენ ყველაფერს უნდა გადავხედოთ. ალბათ, მოგვიწევს ადმინისტრაციული ხარჯების შემცირება”, _განაცხადა პრემიერმა.
