Disney ოსკარის ტრანსლაციის დროს 100 მლნ დოლარზე მეტს გამოიმუშავებს. უცხოური მედიის ინფორმაციით, კინო აკადემიის უმაღლესი ჯილდოს, ოსკარის ტრანსლაციის დროს, რომელიც ტელეკომპანია ABC-ს ეთერით გადაიცემა და კინოსტუდია Disney-ს კუთვნილება, რეკლამა საკმაოდ ძვირი ღირს. ირკვევა ისიც, რომ ოსკარის დაჯილდოებისას 30 წამიანი რეკლამის ღირებულება 1,95 მლნ დოლარია. საერთო ჯამში კი არხი100 მლნ დოლარზე მეტი შემოსავლის მიღებას ვარაუდობს.
აღსანიშნავია, რომ ოსკარის დაჯილდოებისას რეკლამის ფასის ზრდა 2009 წლიდან დაიწყო და ის დღემდე გრძელდება.
უკვე ცნობილია, რომ ოსკარის ცერემონიალისას რეკლამის მთავარი დამკვეთები J.C.Penney, Hyundai და Samsung-ი იქნებიან.
აღსანიშნავია, რომ ABC ოსკარის ცერემონიის უფლებას 2020 წლამდე ფლობს.
შეგახსენებთ, რომ ოსკარით დაჯილდოების ცერემონია 22 თებერვალს შედგება.
მასალის გამოყენების პირობები
