თიბისი ბანკმა აზიის განვითარების ბანკისგან 100 მილიონი ლარის ოდენობის სესხი მიიღო. ბანკის ინფორმაციით, 12:00 საათზე, თიბისი ბანკის სათავო ოფისში (მარჯანიშვილის 7) გაიმართება პრესკონფერენცია, რომელზეც ბანკის მიერ მოზიდული 100 მილიონი ლარის ოდენობის სესხის შესახებ გახდება ცნობილი.
თობისი ბანკში აცხადებენ, რომ ეს არის ქართული ბანკის მიერ მოზიდული ყველაზე მსხვილი ფინანსური რესურსი ეროვნულ ვალუტაში, რომელიც თიბისი ბანკმა აზიის განვითარების ბანკისგან მიიღო.
პრესკონფერენციას თიბისი ბანკის გენერალური დირექტორი, ვახტანგ ბუცხრიკიძე და აზიის განვითარების ბანკის მუდმივი წარმომადგენელი საქართველოში, ქეითი ჯულიანი გაუძღვებიან.
