Apple Inc. პარტნიორმა კომპანიებმა "ჩაკბეჩილი ვაშლისგან" 5-6 მლნ Apple Watch-ზე მიიღეს შკვეთა. როგორც The Wall Street Journal-ი წერს, აღნიშნული შეკვეთა მხოლოდ 2015 წლის პირველ კვარტალს მოიცავს. როგორც ცნობილია ე.წ. "ჭკვიანი საათი" Apple-მა 2014 წლის სექტემბერში წარმოადგინა, ხოლო 2015 წლის აპრილში კი გაყიდვაში გაუშვებს.
ირკვევა, რომ შეკვეთის თითქმის ნახევარზე მეტი მოდელ - Apple Watch Sport-ზე მოდის, ხოლო დანარჩენი საშუალო სეგმენტზე გათვლილ მოდელებზე.
რაც შეეხება ყველაზე ძვირადღირებულ Apple Watch Edition-ს, რომელიც 18 კარატიანი ოქროს კორპუსით იქნება დამზადებული, როგორც ჩანს 2015 წლის პირველ კვარტალში დიდი მოთხოვნით არ ისარგებლებს. თუმცა კომპანიის გადაწყვეტილებით, 2015 წლის მეორე კვარტლიდან თვეში 1 მლნ ერთეული Apple Watch Edition-ის წარმოებაა დაგეგმილი.
ექსპერტები ვარაუდობენ, რომ ყველაზე მეტი Apple Watch-ი ჩინეთში გაიყიდება, სადაც ზოგადად Apple-ის პროდუქციის რეალიზაციის მაღალი მაჩვენებელი ფიქსირდება.
უკვე ცნობილია, რომ Apple Watch Sport-ის ყველაზე დაბალფასიანი მოდელი 349 დოლარი ეღირება. Apple Watch-ის სხვა მოდელების ფასი ამ დროისათვის ცნობილი არ არის, თუმცა ივარაუდება, რომ Apple Watch Edition-ის ღირებულება Mac Pro-ს ფასს გაუტოლდება, რომელის თავის მხრივ 4000 დოლარი ღირს.