ფინანსთა მინისტრი ნოდარ ხადური უკრაინის საგანგებო და სრულუფლებიან ელჩს საქართველოში ვასილ ციბენკოს შეხვდა, რომელმაც ნოდარ ხადური უკრაინის ფინანსთა მინისტრის, ნატალია ენ იარესკოს სახელით კიევში მიიწვია.
შეხვედრაზე განიხილეს ორ ქვეყანას შორის სავაჭრო-ეკონომიკური პარტნიორობის საკითხები. საუბარი შეეხო უკრაინის აღმოსავლეთ ნაწილში მიმდინარე მოვლენებს და მინსკში "ნორმანდიულ ოთხეულს" შორის მიღწეული შეთანხების შესრულების აუცილებლობას.
ფინანსთა მინისტრმა კიდევ ერთხელ დაადასტურა სრული მხარდაჭერა უკრაინელი ხალხის მიმართ და საქართველო-უკრაინის ეკონომიკური და სავაჭრო ურთიერთობის კიდევ უფრო გაღრმავების მზადყოფნა გამოთქვა.
