საქართველოს ტურიზმის ეროვნულმა ადმინისტრაციამ, თელ-ავივში ტურისტულ გამოფენა-ბაზრობაში „IMTM 2015" მიიღო მონაწილეობა.
რიგით 21-ე ხმელთაშუაზღვის საერთაშორისო გამოფენა 10-11 თებერვალს გაიმართა. გამოფენაზე 40-ზე მეტი სახელმწიფოს 1225 კომპანია იყო წარმოდგენილი. „IMTM 2015"-ს 22 ათასამდე სტუმარი ეწვია. საქართველოს ტურიზმის ეროვნულ ადმინისტრაციასთან ერთად გამოფენაში აჭარის ტურიზმისა და კურორტების დეპარტამენტი, დაცული ტერიტორიების სააგენტო, კურორტი საირმე, GT Group, Info-Tbilisi Travel, Golden Georgia, Discover Georgia, Inex Travel მონაწილეობდა.
ისრაელი საქართველოსთვის მნიშვნელოვან ბაზარს წარმოადგენს. სტატისტიკური მონაცემების თანახმად, 2014 წელს ისრაელიდან საქართველოს 40 553 საერთაშორისო მოგზაური ეწვია. ზრდა 2013 წელთან შედარებით 4%-ით მეტია.
მასალის გამოყენების პირობები
