შპს „ქართული კვების" კომპანია განცახდებას ავრცელებს, სადაც მითითებულია, რომ მათი უმთავრესი პრიორიტეტია მუშა პროცესების ეფექტური მართვა და კვების ხარისხის მაქსიმალური ამაღლებაა. როგორც ,,ჯი-ეიჩ-ენს" „ქართული კვების კომპანიიიდან"' აცნობეს ხარისხის გაუმჯობესების მიზნით კომპანიაში იგეგმება მთელი რიგი ღონისძიებების გატარება, მათ შორის რებრენდინგი.
,,ბოლო 3 თვის განმავლობაში მიმდინარეობდა თანამშრომელთა სამუშაო პროცესზე დაკვირვება, თანამშრომელთა აბსოლუტური უმრავლესობა შეინარჩუნებს სამუშაო ადგილს კიდევ უფრო გაუმჯობესებული პირობებით. ასე რომ, ინფორმაცია 300 ადამიანის სამსახურიდან გათავისუფლების შესახებ სიმართლეს არ შეესაბამება. გაცნობებთ, რომ 2015 წლის 14 თებერვალს შპს „ქართული კვების კომპანიას" თავდაცვის სამინისტროსთან დადებული ხელშეკრულების ვადა უმთავრდება. აქედან გამომდინარე, კომპანიის ყველა თანამშრომელს ავტომატურად უმთავრდება შრომითი ხელშეკრულება (2015 წლის 14 თებერვალს). რაც შეეხება „ქართული კვების კომპანიაში" დასაქმებულ პირებს, ამ დრომდე უკლებლივ ყველა თანამშრომელი კომპანიის თანამშრომლად ირიცხება. რაც შეეხება ახალ კომპანიას, უახლოეს პერიოდში დაგეგმილია პრეს-კონფერენცია, სადაც დეტალურად მოხდება მის შესახებ სრული ინფორმაციის გავრცელება", -ნათქვამია კომპანიის მიერ გავრცელებულ განცხადებაში.
მასალის გამოყენების პირობები
