Apple გახდა პირველი ამერიკული კომპანია, რომლის საბაზრო კაპიტალიზაციამაც 700 მლრდ დოლარს გადააჭარბა და შესაბამისად მიიღო ტიტული მსოფლიოს ყველაზე ძვირადღირებული კომპანია. ეს ყველაფერი კი Nasdaq-ის ინფორმაციებით დასტურდება. .
10 თებერვალს, დახურულ სავაჭრო სესიაზე Apple-ის აქციის ფასმა 122,02 დოლარი შეადგინა, რაც საშუალებას იძლევა იმისას, რომ კომპანიის საბაზრო კაპიტალიზაცია 710,7 მლრდ დოლარად განისაზღვროს. უნდა აღინიშნოს, რომ დღემდე არც ერთ კომპანიას 700 მლრდ დოლარიანი ნიშნული არ გადაულახავს.
აღსანიშნავია, რომ Apple-ს ბიზნესის შეფასება 2-ჯერ აჭარბებს Google-ის მონაცემებს, 8-ჯერ McDonald's-ის და 24-ჯერ Twitter-ის მაჩვენებლებს.
აშშ-ს ყველაზე ძვირადღირებულ კომპანიებს შორის ლიდერობს ასევე ნავთობგიგანტი Exxon Mobil-ი, რომელიც 384 მლრდ დოლარადაა შეფასებული.
უნდა ითქვას ისიც, რომ ბირჟაზე Apple-ის პირველი აქციების განთავსებიდან, რომელიც 1980 წლის დეკემბერში მოხდა, კომპანიის ღირებულება 50 600 %-ით გაიზარდა.