ავიაკომპანია UTair-ი 12 ერთეულ А321 ტიპის თვითმფრინავს გაყიდის, აღნიშნულის შესახებ განცხადება ავიაკომპანიის გენერალურმა დირექტორმა ანდრეი მარტიროსიანმა გააკეთა. მისი განმარტებით, აღნიშნულ ხომალდებს ავიაკომპანია უკვე აღარ იყენებს. უცხოური მედიის ინფორმაციით, თვითმფრინავების შეძენაზე კონკრეტულ მყიდველებთან მოლაპარაკებები უკვე მიმდინარეობს, თუმცა მათი ვინაობა ამ დროისათვის არ კონკრეტდება.
კომპანიის ხელმძღვანელის განმარტებით, UTair -ის ავიაპარკი 12 ერთეულ А321 მოიცავს (თუმცა საიტზე მხოლოდ 8 თვითმფრინავია მითითებული) და ეს ის ხომალდებია, რომელიც კომპანიამ Аirbus-სგან მიიღო. გარიგების მიხედვით Аirbus-ს სულ 20 ხომალდი უნდა მიეწოდებინა, თუმცა დარჩენილი 8 ხომალდის მიწოდების გადავადებაზე კომპანიებს შორის შეთანხმება მიღწეულია.
ანალიტიკოსთა განმარტებით, Utair-ი ხომალდებს "იშორებს", რადგანაც რუბლის მიმდინარე კურსით მათთვის იჯარის გადასახადა ხელსაყრელი აღარაა.
ავიაგადამზიდავს სალიზინგო კომპანისათვის 85,23 მლრდ რუბლის გადახდა უწევს და ეს იმ ფონზე, როდესაც კომპანიის ვალის 90 %-ი უცხოურ ვალუტაშია ნომინირებული, არადა რუბლის კურსი დღითიდღე უფასურდება.
შეგახსენებთ, რომ ავიაკომპანია UTair -ი რუსეთის წამყვანი ავიაკომპანიების სამეულშია. ავიაკომპანიის აქციათა 60 %-ზე მეტი "სურგუტნეფტგაზის" საკუთრებაა, ხოლო დანარჩენი შვილიბილი სტრუქტურებისა და მინორიტების.