Emirates Airline-ის მფლობელი Emirates Group-ი 2015 წელს საკუთარი თანამშრომლების რიცხვს 11 ათასი ერთეულით გაზრდის. კომპანიის ინფორმაციით, ახალი თანამშრომლებიც ნახევარი ბორტგამცილებელი იქნება, რადგანაც უახლოეს პერიოდში მათ ავიაპარკს დამატებით 20 ახალი თვითმფრინავი შეემატება.
ამ დროისათვის Emirates Group-ის თანამშრომელთა რაოდენობა 75 ათასს აღწევს. აღსანიშნავია, რომ Emirates Group-ის თანამშრომლებიდან 3 ათასი ადამიანი კომპანიაში 20 წელზე მეტია რაც მუშაობს.
დაგეგმილია ასევე ისიც, რომ 2016 წლის მარტისთვის კომპანია პერსონალის რაოდენობას კიდევ 6 %-ით გაზრდის.
აღსანიშნავია, რომ Emirates Group-ს შემადგენლობაში ასევე შედის კომპანია dnata - ერთ-ერთი ყველაზე მსხვილი კომპანია, რომლებიც მრავალ ავიაკომპანიას სხვადასხვა მომსახურებას უწევს მსოფლიოს 38 ქვეყანაში.
შეგახსენებთ, რომ Emirates-მა დუბაიდან ფრენებების განხორციელება 1985 წლის 25 ოქტომბრიდან დაიწყო. მაშინ კომპანიას მხოლოდ და მხოლოდ 2 ავიალაინერი
Boeing 737 და А300 B4 ქონდა ნაქირავები და სამომავლოდ დიდი მიზნებსაც ისახავდა. 2013-2014 ეინანსურ წელს ავიაკომპანია 44,5 მლნ მგზავრს მოემსახურა და 2,25 მლნ ტონა ტვირთი გადაზიდა.
