10 თებერვლიდან 16 თებერვლამდე სუპერმარკეტების ქსელ „სმარტში" „ქართული პროდუქტების ფესტივალი" იწყება და ყველა სახეობის ქართულ ხორცზე, ქართულ ყველზე, კალმახსა და „კოდას" წარმოებულ კვერცხზე 15%-იანი ფასდაკლება ვრცელდება. შესაბამისად, მხოლოდ 6 დღით, „სმარტის" ერთგულ მომხმარებელს თბილისის სუპერმარკეტებში შესაძლებლობა ექნება საქართველოში წარმოებული, ჯანსაღი, უმაღლესი ხარისხის, ნატურალური პროდუქტების ფართო ასორტიმენტი შეიძინოს შეღავათიანი ფასით.
"სუპერმარკეტი „სმარტი" ყოველთვის ცდილობს „ხარისხის დეტალებში" განცდა გაუმძაფროს მომხმარებელს. შესაბამისად, „ქართული პროდუქტების ფესტივალის" დროს „სმარტში" მომხმარებელს საშუალება ექნება ყოველდღიურად ახალი ხორცის მრავალსახეობა, კალმახი, ყველა სახეობის ქართული ყველი, რომელიც „სმარტის" მიკრობიოლოგიურ ლაბორატორიაში ყოველდღიურად მოწმდება ადგილზე დააგემოვნოს და მნიშვნელოვანი ფასდაკლებით შეიძინოს. „ქართული პროდუქტების ფესტივალით" გვსურს „სმარტის" ერთგულ მომხმარებელს შორის ეროვნული წარმოების, ნატურალური პროდუქტების შესყიდვა წავახალისოთ და აქცენტი გავაკეთოთ მათ ხარისხზე", - აცხადებს "ვისოლი ჯგუფის" პრეზიდენტი სოსო ფხაკაძე.
აღსანიშნავია, რომ „ქართული პროდუქტების ფესტივალის" პრეზენტაციის დროს ნაჩვენები იყო ფილმი, რომელიც აღწერს „სმარტის" ქსელში არსებული ხორცის წარმოების, შენახვის და კონტროლის ციკლს მიწოდებიდან რეალიზაციამდე.
როგორც ცნობილია „სმარტი" გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. „ვისოლ ჯგუფმა" „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს თბილისში, აღმაშენებლის ხეივნის მე-13 კილომეტრზე, რუსთაველის გამზირზე, ვაკეში, საბურთალოზე, ვაზისუბნის მეორე მიკრორაიონში, კახეთის გზატკეცილზე, ბათუმში, გუდაურში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე.
