ჰოლივუდის ვარსკვლავმა ბრიუს უილისმა ნიუ-იორკში ცენტრალ პარკის ხედით ბინის შეძენაზე კონტრაქტი გააფორმა. როგორც The Wall Street Journal-ი წერს ბინა გასაყიდად 2014 წლის ოქტომბერში გამოიტანეს და მისი ღირებულება 16,995 მლნ დოლარია. ბინა გაყიდვამდე მილიარდერ უესლი ედენსონის კუთვნილება იყო. საცხოვრებელი ფართი 560 კვ/მ-ზეა გადაჭიმული და 6 საძინებელ ოთახს, 4 სააბაზანოს, სამზარეულოს, ბიბლიოთეკას მოიცავს. აღნიშნული ბინის მთავარი ხიბლი კი არის დიდი პანორამული ფანჯარა, რომელიც ნიუ-იორკის ცენტრალური პარკის მხარესაა.
როგორც ედენსონი განმარტავს, აღნიშნული საცხოვრებელი ორი ბინის შეერთების შედეგად შეიქმნა. პირველი ბინა მან 1993 წელს შეიძინა, ხოლო მეორე კი 1999-2000 წლებში. მილიარდერმა აპარტამენტის გაყიდვის მიზეზად დაასახელა ის, რომ მის ოჯახს ასეთი დიდი ფართი საცხოვრებელი აღარ ესაჭიროება.
