ბიზნესმენები საქართველოს ენერგეტიკისა და წყალმომარაგების მარეგულირებელი ეროვნული კომისიის წარმომადგენლებს შეხვდებიან. შეხვედრა საქართველოს დამსაქმებელთა ასოციაციის ორგანიზებით ეწყობა და ის 10 თებერვალს, 12:00 საათზე, ასოციაციის ოფისში გაიმართება. (მის: ბელიაშვილის N8, მე-3 სართ. ასოციაციის საკონფერენციო დარბაზი, მიონის ბიზნეს ცენტრი)
როგორც ასოციაციაში განმარტავენ, სემეკის მხრიდან გაკეთდება პრეზენტაცია ელექტროენერგიის, ბუნებრივი გაზისა და წყალმომარაგების ქსელზე ახალი მომხმარებლის მიერთების წესების და პროცედურების შესახებ. პრეზენტაციას სემეკის მეთოდოლოგიური უზრუნველყოფისა და მომსახურების ხარისხის კონტროლის დეპარტამენტის დირექტორი, გიორგი ფანგანი წარუძღვება.
შეხვედრას დაესწრებიან ასევე ელექტროენერგეტიკის დეპარტამენტის დირექტორი ნუგზარ ბერიძე, ბუნებრივი გაზის დეპარტამენტის დირექტორის მოადგილე ივანე პირველი, წყალმომარაგების დეპარტამენტის დირექტორი გრიგოლ მანდარია, საზოგადოებასთან ურთიერთობის დეპარტამენტის დირექტორი ნინო ლაშხია, საზოგადოებასთან ურთიერთობის დეპარტამენტის დირექტორის მოადგილე, ქეთევან ბერიკაშვილი.
