ევროპის ერთ-ერთი უმსხვილესი სამრეწველო კონცერნი Siemens AG-ი საკუთარი საშტატო ერთეულის 7,4 ათასი თანამშრომლით შემცირებას გეგმავს, რომლებიც მსოფლიოს მასშტაბით კომპანიის სხვადასხვა წარმომადგენლობებში მუშაობენ. აქედან, 3,3 ათასი თანამშრომლის გაშვება Siemens-ის მხოლოდ გერმანიის წარმომადგენლობიდან მოხდება.
როგორც უცხოური მედია წერს, განთავისუფლების შესახებ დეტალები რამდენიმე დღეში გახდება ცნობილი, თუმცა უკვე ცნობილია, რომ Siemens-ი თანამშრომელთა რაოდენობას 2 %-ით ამცირებს.
აღსანიშნავია, რომ ოქტომბრიდან ნოემბრამდე პერიოდში კომპანიის წმინდა შემოსავალი 25 %-ით 1,08 მლრდ ევრომდე შემცირდა. რაც შეეხება საოპერაციო მოგებას, აღნიშნულ პერიოდში 18 %-ით, 1,11 მლრდ ევრომდე დაიკლო.
თუმცა ევროზონის მაკრო-ეკონომიკურმა პარამეტრებმა გაერკვეული დადებითი გავლენაც იქონია კომპანიის ფინანსურ მაჩვენებელზე. უფრო კონკრეტულად კი, ევროს შესუსტების ფონზე, წინა კვარტალში ევროს შემოსავალი 5 %-ით, 17,415 მლრდ ევრომდე გაიზარდა.