იტალიური ავიაკომპანია Alitalia ქართულ ბაზარზე ბრუნდება და 31 მარტიდან თბილისის საერთაშორისო აეროპორტიდან რომის მიმართულებით პირდაპირი ავიარეისების შესრულებას იწყებს. როგორც Alitalia-ს საქართველოს წარმომადგენლობაში განმარტავენ, თბილისი-რომის მიმართულებით რეისები აპრილში კვირაში 3-ჯერ, ხოლო მაისიდან კვირაში 4-ჯერ შესრულდება. თბილისი-რომი-თბილისის მიმართულებით ავიაბლეთის ფასი 425 ევროდან დაიწყება.
შეგახსენებთ, რომ გასულ წელს ცნობილი გახდა, რომ იტალიის უმსხვილესმა ავიაგადამზიდავმა ახალი ინვესტორები მოიზიდა. არაბეთის ავიაგიგანტურმა - Etihad Airways -მა ვალდებულება აიღო, რომ იტალიურიკომპანიის აქციათა 49%-ის სანაცვლოდ 560 მლნ ევროს ინვესტირებას მოახდინს. გარიგების თანახმად, კომპანია ვალდებულია ასევე, რომ შემდგომი 3 წლის განმავლობაში დამატებით 600 მლნ ევროს ინვესტიცია განახორციელოს.
აღსანიშნავია, რომ Alitalia -ს აქციონერებმა საკონტროლო პაკეტი დაიტოვეს და ისინი დღეისათვის კომპანიის აქციათა 51%-ის მფლობელები არიან.