მთავრობა ქვეყანაში შემოსვლას ამარტივებს, განსაკუთრებით ინვესტორებისთვის. აღნიშნულს ,,უცხოელთა და მოქალაქეობის არმქონე პირთა სამართლებრივი მდგომარეობის შესახებ" კანონში ცვლილებები ითვალისწინებს რომელზეც მთავრობის წევრებმა დღეს იმსჯელეს.
,,სავიზო რეგულაციებთან დაკავშირებით ჩვენ მნიშვნელოვნად ვამარტივებთ განსაკუთრებით ინვესტორებისთვის ქვეყანაში შემოსვლას. მივიღეთ ცვლილება რომლის თანახმად, თუ პიროვნება ფლობს ქვეყანაში გარკვეულ უძრავ ქონებას მისთვის ვაადვილებთ როგორც ვიზის აღებას, ასევე ბინადრობის მოწმობის აღებას", _განაცხადა კვირიკაშვილმა.
მისივე თქმით, მთავრობის დადგენილებით ასევე განსაზღვრული იქნება იმ ქვეყნების სია რომლის ვიზის ფლობის შემთხვევაში მოქალაქე უფრო მარტივად შეძლებს საქართველოში შემოსვლას.
,,ეს ემსახურება რამდენიმე მიზანს, ერთი რომ გავამარტივოთ ტურისტებისთვის ქვეყანაში შემოსვლა, მეორე_ინვესტორსაც გავუმარტივოთ ქვეყანაში შემოსვლა და მუშაობა, მესამე-ბევრი ჩვენი თანამოქალაქე რომლებმაც სხვა ქვეყნის მოქალაქეობა მიიღეს და აქედან გამომდინარე საქართველოს მოქალაქეობა დაკარგეს, მათთვის იქნება მარტივი საქართველოში შემოსვლა, რადგან უმეტესობა მათგანი გარკვეულ უძრავ ქონებას საქართველოში ჯერ კიდევ ფლობს და მათი შემოსვლა შეუზღუდავად შესაძლებელი იქნება", -განაცხადა კვირიკაშვილმა.
