,,ეკონომიკური ზრდის პროგნოზების გაკეთებისგან ამ ეტაპზე ჯობია თავი შევიკავოთ", _განაცხადა მთავრობის სხდომის შემდეგ ეკონომიკისა და მდგრადი განვითარების მინისტრმა გიორგი კვირიკაშვილმა და აღნიშნა, რომ რეგიონში არსებული ვითარება მარტივი არაა, ამიტომ, ეს ყველაფერი საქართველოს ეკონომიკაზეც აისახება.
,,ჯერჯერობით პროგნოზის გაკეთება ნაადრევია. ჩვენ, ალბათ, დაახლოებით პირველი კვარტლის ბოლოს გვექნება უფრო ცხადი სურათი და ამის შემდეგ შეგვიძლია გავაკეთოთ უფრო ზუსტი პროგნოზი. პროცესები არ არის მარტივი რეგიონში, ამიტომ, რა თქმა უნდა, ეს ყველაფერი საქართველოს ეკონომიკაზეც აისახება", - განაცხადა გიორგი კვირიკაშვილმა.
