4 თებერვალს, ფინანსთა მინისტრი ნოდარ ხადური ამერიკის შეერთებული შტატების საერთაშორისო განვითარების სააგენტოს (USAID) „მმართველობა განვითარებისთვის" (G4G) პროექტის მმართველი გუნდის წარმომადგენლებს შეხვდა.
პროექტი, რომლის დირექტორია მაილო სტევანოვიჩი, ხუთწლიანია და მიზნად ისახავს კონკურენტული ბიზნესგარემოს შექმნას, მთავრობასა და სამოქალაქო საზოგადოებას შორის დიალოგის ხელშეწყობით ეკონომიკური რეფორმების განხორციელებას.
შეხვედრაზე ისაუბრეს სამომავლო თანამშრომლობის საკითხებზე, ასევე აღნიშნული პროექტით გათვალიწინებული პროგრამების მიმდინარეობაზე, რომელიც მოიცავს საგადასახადო და საბაჟო სფეროებს.
