საუდის არაბეთი, სარგებლობს რა ნავთობის მსოფლიო ბაზარზე თავისი უპირატესობით, ცდილობს რუსეთის პრეზიდენტი პუტინი აიძულოს, რათა მან უარი თქვას სირიის პრეზიდენტის ბაშარ ასადის მხარდაჭერაზე.
გაზეთი The New York Times-ი ამერიკელ და საუდის არაბეთის ინკოგნიტო წყაროებზე დაყრდნობით ავრცელებს ინფორმაციას იმის შესახებ, რომ თუ პუტინი სირიის ხელისუფლების მხარდაჭერაზე უარს იტყვის, საუდის არაბეთი ნავთობის მოპოვებას შეამცირებს, რაც მსოფლიო ბაზარზე მისი ფასების მომატებას გამოიწვევს.
,,თუ ნავთობის ფასებს შეუძლია სირიაში მშვიდობის დამყარებას ხელი შეუწყოს, ასეთი შეთანხმების მისაღებად, რატომ არ უნდა გამოიყენოს შანსი საუდის არაბეთმა?" - აღნიშნავს ამერიკულ გამოცემასთან მისი ინკოგნიტო რესპონდენტი.
მისივე თქმით, საუდის არაბეთის ხელმძღვანელობამ აღნიშნულ საკითხზე ბოლო რამდენიმე თვის განმავლობაში რუსეთთან მრავალი მოლაპარაკება გამართა, თუმცა აქამდე მნიშვნელოვან პროგრესს ვერ მიაღწია.
ამას გარდა, გამოცემის ინფორმაციის წყარო იტყობინება, რომ საუდის არაბეთის ჩინოვნიკების აზრით,,შავი ოქროს" დიდი მარაგი რუსეთის პოლიტიკაზე ზეწოლის მნიშვნელოვანი ბერკეტია.
The New York Times-ი აღნიშნავს, რომ ჯერ-ჯერობით უცნობია, როგორ იმოქმედა რუსეთსა და საუდის არაბეთს შორის მოლაპარაკებაზე საუდის არაბეთის მეფის სიკვდილმა.