საქართველოში რუსეთიდან იმპორტირებული ავეჯის მოცულობა იზრდება. პორტალ rusexporter -ის ინფორმაციით, 2014 წლის სამი კვარტლის მაჩვენებლებით, რუსეთიდან საქართველოში 6 მლნ 885 ათასი დოლარის ავეჯისა და გასანათებელი მოწყობილობების იმპორტი განხორციელდა, რაც 2013 წლის ანალოგიური პერიოდის მაჩვენებლებთან შედარებით 2,1 %-იან ზრდას გულისხმობს.
ბოლო 2 წლის განმავლობაში უცხოურ ბაზრებზე რუსეთის ავეჯის ინდუსტრია დინამიურად ვითარდებოდა. სტატისტიკური ინფორმაციის მიხედვით, რუსული წარმოების ავეჯი ძირითადად დსთ-ს ქვეყნებში იყიდება და განსაკუთრებით დიდი რაოდენობით კი ყაზახეთში.
2014 წლის იანვარ-სექტემბრის მონაცემებით, რუსეთმა აშშ-ში 328 მლნ დოლარის ღირებულების ავეჯი და გასანათებელი მოწყობილობები შეიტანა.
რუსული მედიის ინფორმაციით, რუსული წარმოების ავეჯისა და გასანათებელი მოწყობილობებისათვის ყველაზე მსხვილი საექსპორტო ბაზრებია: ყაზახეთი, ბელორუსი, გერმანია, აშშ და ნორვეგია.