სახელმწიფო ქონების ეროვნული სააგენტოს სერვისები იუსტიციის სახლში უკვე ხელმისაწვდომია. ახალი მომსახურებების დანერგვის შესახებ მხარებს შორის მემორანდუმს, დღეს იუსტიციის სახლში მოეწერა ხელი.
როგორც სახელმწიფო ქონების ეროვნული სააგენტოს თავმჯდომარის პირველმა მოადგილემ ეკატერინე სისაურმა განმარტა, საწყის ეტაპზე სააგენტოს სერვისები მხოლოდ მარნეულის იუსტიციის სახლში იქნება ხელმისაწვდომი. სატესტო რეჟიმი მარნეულის იუსტიციის სახელში 2 თვეს გასტანს და მისი წარმატების შემთხვევაში, ის 2015 წლის ბოლომდე ქვეყნის მასშტაბით არსებულ ყველა იუსტიციის სახლშიო დაინერგება.
ახლანდელი სერვისი მომხმარებლისათვის, იუსტიციის სახლის საშუალებით, სახელმწიფო ქონების ეროვნული სააგენტოს რიგი მომსახურებების მიწოდებას გულისხმობს და მისი მიღება სხვა უკვე არსებულ 400-მდე სერვისთან ერთად მინიმალურ დროში, მაღალი ხარისხის მომსახურებით იქნება შესაძლებელი.
იუსტიციის სახელის აღმასრულებელი დირექტორის მოადგილის ირაკლი ლომიძის თქმით, იუსტიციის სახლი მზადაა სერვისის წარმატებით დანერგვისთვის, რისთვისაც აღნიშნული სერვისის მიმართულებით უკვე გადამზადდა კადრები, რათა მომხმარებელს მომსახურებასთან ერთად კვალიფიციური კონსულტაციის მიღებაც შეეძლოს.
აღსანიშნავია, რომ იუსტიციის სახლის მარნეულის ფილიალი საპილოტე რეჟიმისათვის შერჩევა ამ რეგიონში მომხმარებლების მიერ სახელმწიფო ქონების ეროვნული სააგენტოს სერვისებზე არსებულმა დიდმა მოთხოვნამ განაპირობა.
"იუსტიციის სახლი აგრძელებს აღებულს კურსს და მუდმივ რეჟიმში აფართოებს იმ 400-მდე სერვისის ჩამონათვალს, რომელთა მიღებაც იუსტიციის სახლშია შესაძლებელი. სერვისის დანერგვამდე ჩვენ დეტალურად მოვიკვლიეთ მომხმარებლის მოთხოვნა აღნიშნულ მომსახურეობაზე, რის შემდეგაც ქონების მართ[ის ეროვნულ სააგენტოსთან შესაბამისი მემორანდუმი გავაფორმეთ. სერვისების მიღება საწყის ეტაპზე4 მარნეულის იუსტიციის სახლშია შესაძლებელი", - აღნიშნა ირაკლი ლომაძემ
"იუსტიციის სახლში მოქალაქეებისათვის ხელმისაწვდომი იქნება სააგენტოს შემდეგი სერვისები: სახელმწიფო საკუთრებაში არსებული უძრავი და მოძრავი ქონების აუქციონის წესით პრივატიზება; სახელმწიფო საკუთრებაში არსებული სასოფლო-სამეურნეო დანიშნულების მიწის აუქციონის ფორმით პრივატიზება ან/და იჯარით აღება; სახელმწიფოს ნაწილობრივი მონაწილეობით შექმნილი საწარმოს წილის/აქციების მართვის უფლებით გადაცემა; სახელმწიფო ქონების გადაცემა კერძო საკუთრებაში არსებულ ქონებაში", - აღნიშნა სახელმწიფო ქონების ეროვნული სააგენტოს თავმჯდომარის პირველმა მოადგილემ ეკატერინე სისაურმა.
