ხვალ, 4 თებერვალს, 11:00 საათზე, თბილისის იუსტიციის სახლში, საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულ სააგენტოსა" და საქართველოს იუსტიციის სამინისტროს სსიპ „იუსტიციის სახლს" შორის ურთიერთთანამშრომლობის მემორანდუმი გაფორმდება, რომელიც მომხმარებლისთვის ახალი სერვისების მიწოდებას გულისხმობს.
მემორანდუმის ძალაში შესვლის შემდეგ იუსტიციის სახლი სახელმწიფო ქონების ეროვნული სააგენტოს სერვისებით (მათ შორის სახელმწიფო ქონების პრივატიზებით, იჯარით, მართვის უფლებით და ა.შ.) დაინტერესებულ მოქალაქეებს მაღალი ხარისხით, მინიმალურ დროში მოემსახურება.
