1-ელი თებერვლიდან მაგთიკომი მომხმარებლებს მე-4 თაობის კავშირს შესთავაზებს. უახლესი ტექნოლოგია, რომელიც მობილური სატელეკომუნიკაციო სამყაროს ევოლუციის მე-4 საფეხურია, მაგთის, ბალის და ბანის აბონენტების მუდმივ კავშირს უფრო თანამედროვესა და კომფორტულს გახდის.
• 4G დაფარვის ზონაში ინტერნეტი საშუალოდ 7-ჯერ უფრო სწრაფია, ვიდრე 3G ქსელში;
• 4G კავშირის საშუალებით აუდიო და ვიდეოფაილების ჩამოტვირთვა და ინფორმაციის მოძიება უსწრაფესადაა შესაძლებელი;
• 4G ინტერნეტი ერთდროულად გაცილებით სწრაფად ახორციელებს რამდენიმე ოპერაციას: ვიდეოსთრიმინგს, ფაილების მიმოცვლას, ინტერნეტბრაუზინგს და სხვა.
მაგთის, ბალის და ბანის აბონენტებს, რომლებსაც 4G ტელეფონი აქვთ, მაგთიკომი უფასოდ სთავაზობს არსებული სიმ-ბარათის 4G ბარათით შეცვლას.
მათ კი, ვისაც ჯერ არ შეუძენია 4G ტელეფონი, მაგთის ოფისებში საუკეთესო პირობები ელით: 18-თვიანი განვადება, 4G ტელეფონების ფართო არჩევანი თვეში 22 ლარიდან და, რაც მთავარია, აქ შეძენილ 4G აპარატს ყოველთვიურად, საჩუქრად მოჰყვება ინტერნეტი - 1 წლის განმავლობაში.
მაგთიკომის 4G-ის დანერგვისთვის აუცილებელი ლიცენზიების მოდიფიცირებისთვის განსაზღვრული თანხა 154 მილიონ ლარს აღემატება (154, 212, 964), რომელიც მთლიანად საქართველოს ბიუჯეტში მიემართება.
4G ქსელით დაფარულია თბილისი, ქუთაისი, ბათუმი, ქობულეთი, ფოთი, გუდაური და ბაკურიანი, 2 თვის განმავლობაში დაიფარება დარჩენილი ნაწილიც.
