,,ძალიან გთხოვთ, რომ კოლეგებმა კოლეგების მიმართ მიმართვის ფორმა ცოტა უკეთ შევარჩიოთ", _განაცხადა პარლამენტის თავმჯდომარემ დავით უსუფაშვილმა საპარლამენტო უმცირესობის დეპუტატის გიორგი ბარამიძის საპასუხოდ.
უსუფაშვილის განმარტებით, ეს ის ხალხია, რომელიც ,,ნაციონალებმა" საკანონმდებლო ორგანოში მოიყვანა.
,, რა ხალხია ეს და ის ხალხია, რომელიც პარლამეტში მოიყვანეთ აქ, გინდათ გითხრათ, თუ შეიძლება წაიკითხეთ გვარები და კოლეგებს მოეპყარით კოლეგიაალურად ძალიან გთხოვთ", _განაცხადა უსუფაშვილმა.
ბიუროს სხდომაზე გიორგი ბარამიძემ დასვა კითვხა, თუ ვინ არიან ის დეპუტატები, რომლებიც უმრავლესობაში გადავიდნენ და შექმნეს ფრაქცია ,,დამოუკიდებელი მაჟორიტარები- ძლიერი რეგიონებისთვის".
"რა ხალხია ეს, უკაცრავად?ვინ არიან?"- იკითხა გიორგი ბარამიძემ.
შეგახსენებთ, რომ "დამოუკიდებელი მაჟორიტარები - ძლიერი რეგიონებისთვის" ყოფილი "ნაციონალური მოძრაობის" წევრებისგან შეიქმნა. აღნიშნული ფრაქცია საპარლამენტო უმრავლესობაში გაწევრიანდა.
