17 ნოემბერს, ბრიუსელში საქართველოს პრემიერ-მინისტრი ირაკლი ღარიბაშვილი ნატოს გენერალურ მდივანს იენს სტოლტენბერგს შეხვდება - ამის შესახებ საქართველოს პრემიერ-მინისტრმა და ნატო-ს სამეკავშირეო ოფისის ხელმძღვანელმა ვილიამ ლაჰიუმ დღეს გამართულ შეხვედრაზე ისაუბრეს.
მხარეებმა ნატო-საქართველოს ურთიერთობების საკითხები განიხილეს. განსაკუთრებული ყურადღება გამახვილდა არსებითი პაკეტის მნიშვნელობაზე, რომელიც საქართველომ ნატოს უელსის სამიტის შედეგად მიიღო. ისაუბრეს პაკეტით გათვალისწინებული მექანიზმების იმპლემენტაციაზე. გამოითქვა იმედი, რომ განსაზღვრული მიმართულებების განხორციელებით, საქართველოს თავდაცვითი შესაძლებლობები გაძლიერდება და ქვეყნის უსაფრთხოება გაიზრდება.
შეხვედრაზე საუბარი შეეხო რეგიონული უსაფრთხოების საკითხებს, მათ შორის უკრაინის კრიზისს.
ნატო-ს სამეკავშირეო ოფისის ხელმძღვანელმა პრემიერ-მინისტრს მადლობა გადაუხადა ISAF-ის მისიაში საქართველოს მიერ შეტანილი წვლილისთვის.
მასალის გამოყენების პირობები
